Dranghlíðarfjall

Jæja byrjaði daginn á að gá til veður því að ég ætlaði að labba á Heklu en varð að hætta við það vegna þess hversu lágskýjað var og svo var vindurinn ekki til að bæta það svo að ég ákvað að kíkja á textavarpið og sá þar að það var nokkuð gott veður undir A-Eyjafjöllum svo að ég valdi Drangshlíðarfjall. Á leiðinni þangað sá ég branduglu en það er alltaf gaman að sjá uglur. Ég labbaði á fjallið og var þetta frekar brött ferð upp hjá mér. Þegar upp var komið sást vel inn á Mýrdalsjökul og suður að Dyrhólaey en Vestmannaeyjar voru í rykmekki. Einn foss sá ég sem ég hef aldrei séð áður og er hann upp undir Eyjafjallajökli í Kaldklifsgilinu og nánast beint í norður frá Drangshlíðardal og svo að ég útskýri þetta aðeins þá er Drangshlíðarfjall á vinstri hönd ef staðið er beint fyrir framan Skógafoss og horft á hann.

Athugasemdir

[Bryndís Halldóra Jónsdóttir, 19.5.2007 kl. 20:23]

Er dálítill Reynir Pétur í þér frændi ?  Duglegur að ganga úti í náttúrunni

Annað en ég. Vappa bara í sömu sporunum hér á gólfinu heima hjá mér. hahahaha....  Verð að fara að breyta þessu

[Ester Sveinbjarnardóttir, 23.5.2007 kl. 02:54]

Ég var stödd undir Eyjafjöllunum fyrir tæpum 2 vikum síðan og hitt einmitt einn sem fór þessa sömu leið og þú.  Honum fannst fossinn fallegur og vel geymdur þarna í fjallasölum. ;)