Veiðivötn

Ég fór í Veiðivötnin í dag starfsins vegna og var frekar kalt þar inn frá norðan rok og jaðraði á köflum við sandfok. Þetta var mitt fyrsta skipti í vötnunum þar sem ég er aleinn og ekkert líf að sjá alveg ótrúlegt. Ég var stangarlaus svo að ég prófaði ekkert enda í vinnunni og svo held ég að ég hefði frosið fastur  strax á fyrsta korterinu. Þeir sem leigja kofa yfir veturinn eru mættir með sína olíukálfa og virðast vera tilbúnir í ævintýri vetrarins. Læt mynd fylgja frá Dvergasteini og Langavatni svona seint um haust.