Kominn til Danmerkur

Kom til Odense í gærkvöldi og það var rigning og rok alla leiðina frá Kaupmannahöfn og á Stórabeltisbrúnni var hífandi rok og voru faratæki sem tækju mikinn vind á sig vöruð við að fara yfir. U-17 liðið kemur á morgun og eiga stelpurnar 4 - 5 tíma rútuferð fyrir höndum til bæjarins Vildbergs sem er á Jótlandi. Spáð er snjókomu í nótt og hvössum vindi.

Við feðginin höfum eitt deginum að mestu á rúntinum, fórum að skoða den Fynske Landsby en þar eru gamlir húskofar frá um 1600 og voru þar inni húsmunir frá þeim tímum. Við fengum þar að smakka rúggraut sem eldaður var í tilefni föstudagsins langa og okkur langar ekkert að smakka hann aftur. Mjög lítillátur matur enda eldaður til minningar um sorglegasta dag ársins. Við ætlum svo í bíó í kvöld og hafa það bara huggulegt

Athugasemdir

[Bryndís Halldóra Jónsdóttir, 22.3.2008 kl. 19:50]

Usss....það er sko fínt veður hérna hjá okkur frændi

En gleðilega páska elsku kallinn minn.